70 տարեկանում կյանքից հեռացել է «Արարատ 73»-ի լեգենդար ֆուտբոլիստ, ԽՍՀՄ սպորտի վարպետ Սուրեն Մարտիրոսյանը:

Որպես ֆուտբոլիստ՝ Սուրեն Մարտիրոսյանը մեծ դերակատարություն է ունեցել 70-ական թվականների հայկական ֆուտբոլում՝ իր փայլուն խաղով: 2019 թվականի հունիսին Սուրեն Մարտիրոսյանին շնորհվել է ՀՖՖ ոսկե հուշամեդալ՝ հայկական ֆուտբոլում ունեցած մեծ ավանդի համար:

«Ուրարտու» ֆուտբոլային ակումբն իր խորին ցավակցություններն է հայտնում Սուրեն Մարտիրոսյանի ընտանիքին, մերձավորներին, ու հայկական ֆուտբոլի բոլոր երկրպագուներին:

Սուրեն Մարտիրոսյանի հոգեհանգստի արարողությունը տեղի կունենա դեկտեմբերի 10-ին՝ ժամը 18:00-ին, Նոր Նորքի 5-րդ զանգվածի Սուրբ Սարգիս եկեղեցում:

Կարիերայի մեծ մասը լեգենդար ֆուտբոլիստն անցկացրել է Երևանի «Արարատում» (1966-1977թթ.), ԽՍՀՄ առաջնության բարձրագույն խմբում մասնակցել է 141 խաղի: ԽՍՀՄ 1973թ չեմպիոն, 1976թ արծաթե մեդալակիր, 1973, 75թթ գավաթակիր։ Մասնակցել է 13 եվրագավաթային խաղի։

1987-1989թթ. եղել է Երևանի «Արարատի» մարզիչ։

(լուսանկարում՝ առաջին շարքի աջից առաջինը)