«ՈՒՐԱՐԱՏՈՒՆ» ՄԻԱՑԱՎ “BE HAPPY” ԲԱՐԵԳՈՐԾԱԿԱՆ ՆԱԽԱՁԵՌՆՈՒԹՅԱՆԸ
30/12/2019Դեկտեմբերի 21-ից սկիզբ է դրվել “Be Happy” բարեգործական նախաձեռնությանը։ Հյուսիսային պողոտայում տեղադրված տոնածառի տակ յուրաքանչյուրը նվերներ ու բարեմաղթանքներ թողնելու հնարավորություն ունի։ Հավաքված բոլոր նվերները ուղարկվելու են Հայաստանի տարբեր հատվածներում ապրող և այդ իրերի կարիքն ունեցող մարդկանց։
Դեկտեմբերի 30-ին այս նախաձեռնությանը միացավ նաև «Ուրարտու» ֆուտբոլային ակումբը։ Մարզիչներ Արամ Հակոբյանի և Վալերի Ալեքսանյանի գլխավորությամբ «Ուրարտու-2»-ի ֆուտբոլիստները նախ նվերներ դրեցին նախատեսված արկղիկների մեջ, ապա՝ իրենց բարեմաղթանքներն ուղղեցին կարիքավորներին։
«"Be Happy" նախաձեռնությունը միջոցառում է, որն ուղղված է բոլոր այն մարդկանց ու երեխաներին, որոնք նվերներ գնելու կամ ստանալու հնարավորություն չունեն։ Մեր միջոցով յուրաքանչյուր անհատ կարող է նվիրատվություն կատարել ցանկացած իր։ Մենք էլ դրանք անպայման տեղ կհասցնենք։
ՈՒրախ ենք, որ «Ուրարտու» ֆուտբոլային ակումբը միացել է մեր նախաձեռնությանը։ Մենք պարտավորվում ենք այն հանձնել բոլոր այն երեխաներին, որոնք սրտի տրոփյունով սպասում են դրանց»,- մեզ հետ զրույցում նշեց նախաձեռնության համակարգող Եփրեմ Սարուխանյանը։
Հավելենք, որ նախաձեռնությունը իրականացվելու է մինչև հունվարի 13-ը և յուրաքանչյուր մարդ կարող է իր մասնակցությունն ունենալ։
Ստորև ներկայացնում ենք միջոցառման ֆոտոշարքը և տեսանյութը․