ՍԻՐՈՂԱԿԱՆ ԼԻԳԱՆ «ՈՒՐԱՐՏՈՒՈՒՄ» ՇԱՐՈՒՆԱԿՎՈՒՄ Է
20/01/2020«Ուրարտուում» շարունակվում է Սիրողական լիգայի առաջնությունը, որտեղ «Ուրարտուն» հանդես է գալիս Բ խմբում:
Կայացած 6 տուրերից հետո մեր թիմն իր ակտիվում ունի 18 միավոր և շարունակում է միանձնյա գլխավորել Բ խմբի մրցաշարային աղյուսակը:
6-րդ տուրում մեր տղաները 9-4 հաշվով առավելության հասան Դորտմունդի «Բորուսիայի» նկատմամբ։ Դուբլ ձևակերպեցին Հայկ Ոսկանյանն ու Հայկ Սուքիասյանը, 1-ական անգամ էլ աչքի ընկան Նարեկ Ամիրյանը, Վալերի Ալեքսանյանը, Կարեն Առաքելյանը, Արամ Հակոբյանը և Ալեքսանդր Թադևոսյանը։
Հաջորդ տուրում «Ուրարտուի» մրցակիցը կլինի «Ջենոան», որը եզրափակում է մրցաշարային աղյուսակը ու դեռ ոչ մի հաղթանակ չի տոնել:
Հավելենք, որ սիրողական լիգան անցկացվում է «Ուրարտու» ֆուտբոլային ակումբի հովանու ներքո: