ԲԱՐՁՐԱԳՈՒՅՆ ԽՄԲԻ ԱՌԱՋՆՈՒԹՅՈՒՆԸ ԿՎԵՐՍԿՍՎԻ ՄԱՅԻՍԻ 23-ԻՑ
15/05/2020Այսօր ՀՖՖ գրասենյակում կայացել է գործադիր կոմիտեի նիստը, որի ընթացքում հաստատվել են Բարձրագույն ու Առաջին խմբերի, գավաթի խաղարկության վերսկսման ամսաթվերը։ Հայաստանի Բարձրագույն խմբի առաջնությունը կվերսկսվի մայիսի 23-ին, իսկ Առաջին խմբի առաջնությունը՝ մայիսի 30-ին։
Ինչպես Բարձրագույն, այնպես էլ Առաջին խմբերի՝ վերսկսումից հետո կայանալիք առաջին տուրի հանդիպումները անցկացվելու են առանց հանդիսականների։ Հետագայում հաշվի առնելով հանրապետությունում կորոնավիրուսի համաճարակի դրսևորումները և ՀՀ կառավարության կայացրած որոշումները, կքննարկվի վերոնշյալ սահմանափակումը ուժի մեջ թողնելու կամ վերացնելու տարբերակը։
ՀՖՖ գործադիր մարմինն իրավունք է վերապահում ցանկացած ժամանակ փոփոխություններ մտցնել խաղացանկի մեջ՝ ելնելով հանրապետությունում այդ պահին տիրող իրավիճակից, կառավարության որոշումներից և պարետատան ցուցումներից։
Vbet Հայաստանի գավաթի խաղարկության կիսաեզրափակչի պատասխան հանդիպումները նշանակվել են հունիս 23-ին և 24-ին։ Գավաթի եզրափակիչը նշանակվել է հուլիսի 10-ին։
Որոշում է կայացվել չեղարկել 2019-2020 թթ․ մրցաշրջանի մանկապատանեկան առաջնությունները։ Կանցկացվեն միայն 2002-2007 թթ տարիքային խմբերի գավաթի խաղարկությունները։
Օրակարգի վերջին հարցով հաստատվեցին ֆուտբոլիստների գրանցման և տրանսֆերային պատուհանի ժամանակահատվածի փոփոխությունները: 2020-2021 մրցաշրջանի համար հաստատվեց հուլիսի 15-ից հոկտեմբերի 7-ն ընկած ժամանակահատվածը, իսկ 2021-2022 մրցաշրջանի համար՝ հունիսի 21-ից սեպտեմբերի 13-ն ընկած ժամանակահատվածը:
Հաստատվել է Հայաստանի բարձրագույն խմբի առաջնության 18-րդ տուրի խաղացանկը․
Ամսաթիվ |
Խաղ |
Վայր |
Ժամ |
23/05/2020 |
«Շիրակ» - «Լոռի» |
Գյումրու «Քաղաքային» մարզադաշտ |
16։30 |
23/05/2020 |
«Փյունիկ» - «Արարատ-Արմենիա» |
Ֆուտբոլի ակադեմիա |
18։15 |
24/05/2020 |
«Ալաշկերտ» - «Նոա» |
«Նաիրի» մարզադաշտ |
17։15 |
25/05/2020 |
«Արարատ» - «Ուրարտու» |
Ֆուտբոլի ակադեմիա |
18։30 |