Հունիսի 24-ին «Ուրարտուն» պարտվելով «Նոային» ընդհանուր 3-1 հաշվով դուրս մնաց Vbet Հայաստանի գավաթ խաղարկությունից։ Ստորև ներկայացնում ենք «Ուրարտուի» գավաթային ելույթները թվերով ու փաստերով

• «Ուրարտուն» գավաթի խաղարկություններում ելույթները կիսաեզրափակչում ավարտում է 11-րդ անգամ։ Հարկ է նշել, որ թիմն իր պատմության ընթացքում 19 անգամ հանդես է եկել Հայաստանի գավաթի խաղարկության կիսաեզրափակչում։
• «Ուրարտուն» կիսաեզրափակիչ հասած ամենաքիչ գոլ խփած թիմն էր ընթացիկ մրցաշրջանում (1 գոլ)։ Երևանյան թիմը 1/8-րդ եզրափակչում գոլազուրկ ոչ-ոքի էր խաղացել Երևանի «Փյունիկի» հետ ու հաջորդ փուլ դուրս եկել հետխաղյա 11 մետրանոց հարվածաշարում տոնած հաղթանակի արդյունքում, իսկ քառորդ եզրափակչում Եվգենի Կոբզարի միակ գնդակը «Ուրարտուին» դուրս բերեց կիսաեզրափակիչ։
• Գավաթի այս խաղարկությունում «Ուրարտուի» կազմում գոլ խփել է ընդամենը մեկ ֆուտբոլիստ։ Եվգենի Կոբզարը աչքի է ընկել 2 անգամ, գավաթի խաղարկության քառորդ եզրափակչում և «Նոայի» հետ կիսաեզրափակչի պատասխան խաղում։
• Գավաթի այս խաղարկությունում «Ուրարտուի» կազմում ամենից շատ խաղաժամանակը ստացել են Եվգենի Կոբզարն ու Յուրիցա Գրգեցը։ Նրանք մասնակել են բոլոր հանդիպումներին ամբողջությամբ։
• «Ուրարտուի» կազմում գավաթի այս խաղարկությանը մասնակցել է 24 ֆուտբոլիստ։ Ամենատարեց ֆուտբոլիստը, որը հանդես է եկել Եվգենի Օսիպովն է (33 տարեկան), իսկ ամենաերիտասարդը Գևորգ Տարախչյանը (18 տարեկան)։

 

Ստորև ներկայացնում ենք Vbet Հայաստանի գավաթի խաղարկությունում «Ուրարտուի» կազմում հանդես եկած ֆուտբոլիստների վիճակագրությունը․