Արմեն Մանուչարյանը ծնվել է 1995 թվականի փետրվարի 3-ին, Ռուսաստանի Դաշնության Վորոնեժ քաղաքում։ Ֆուտբոլով սկսել է զբաղվել 11 տարեկան հասակից՝ հաճախելով «Ուրարտուի» (նախկին՝ «Բանանց») մանկապատանեկան դպրոց։

«Ուրարտուի» կազմում իր նորամուտը նշել է 2014 թվականի նոյեմբերի 5-ին Հայաստանի գավաթի խաղարկության շրջանակում «Ուլիսի» հետ կայացած խաղում (0-2): Հայաստանի Բարձրագույն խմբի առաջնությունում իր նորամուտը նշել է 2014 թվականի նոյեմբերի 30-ին «Շիրակի» հետ խաղում (0-0): «Ուրարտուի» կազմում նա նախքան «Փյունիկ» տեղափոխվելն անցկացրել է 23 հանդիպում։

«Փյունիկում» Մանուչարյանը 5 մրցաշրջան է անցկացրել, որից հետո տեղափոխվել է Ռուսաստանի Պրեմիեր լիգայում հանդես եկող «Ռոտոր» ակումբ, որտեղ կես մրցաշրջան անցկացնելուց հետո տեղափոխվել է ղազախական «Ակտոբե»։ Այդ թիմի կազմում Մանուչարյանը 11 հանդիպում է անցկացրել։

Մանուչարյանը խաղացել է Հայաստանի Մ-19, Մ-21 տարեկանների հավաքականում, ինչպես նաև Հայաստանի ազգային հավաքականում, որտեղ նորամուտը նշել է 2017 թվականին` Սենթ Քիթս և Նևիսի հետ ընկերական խաղում (5-0), իսկ առաջին պաշտոնական հանդիպումն անցկացրել է ՈՒԵՖԱ-ի Ազգերի լիգայի շրջանակում՝ Լիխտենշտեյնի հավաքականի հետ խաղում (2-1)։

ՄԱՆՈՒՉԱՐՅԱՆԻ ԽԱՂԱՅԻՆ ԿԱՐԻԵՐԱՆ