Արսեն<br/>ԲԵԳԼԱՐՅԱՆ

24

Արսեն
ԲԵԳԼԱՐՅԱՆ

  • Երկիր:
    Armenia
  • Ծննդյան օր
    18/02/1993
  • Հասակ:
    186 սմ
  • Դիրք:
    Դարպասապահ
  • Քաշ:
    82 կգ

Կենսագրություն

 

Արսեն Բեգլարյանը ծնվել է 1993 թվականի փետրվարի 18-ին Ռուսաստանի Դաշնության Կրասնոդար քաղաքում։ Ֆուտբոլային առաջին դպրոցը եղել է Կրասնոդարի երկրամասի օլիմպիական ռեզերվի մանկապատանեկան 5-րդ մարզադպրոցը։ Հետագայում Բեգլարյանը հանդես է եկել «Կրասնոդարի» երիտասարդական թիմում։ 2012 թվականին դարպասապահը տեղափոխվում է Հայաստան, պայմանագիր ստորագրում «Գանձասարի» հետ։ Կարճ ժամանակահատվածում Բեգլարյանը դառնում է կապանյան թիմի հիմնական դարպասապահը ու սկսում պարբերաբար հրավիրվել Հայաստանի երիտասարդական հավաքական, նույնիսկ հրավեր է ստանում Հայաստանի ազգային հավաքականից։ «Գանձասարի» կազմում լավագույն արդյունքը գավաթի եզրափակիչ դուրս գալն է լինում, բայց այդ խաղում կապանյան թիմը պարտություն է կրում։ 2014 թվականի հունիսին Բեգլարյանի պայմանագիրն ավարտվում է «Գանձասարի» հետ և նա փոխում է ակումբը։ Սկզբում դարպասապահը հայտնվում է Գյումրիի «Շիրակում», բայց ընդամենը մեկ պաշտոնական հանդիպում անցկացնելով հեռանում է «Շիրակից», տեղափոխվելով՝ «Ուլիս»։ Երևանյան թիմի կազմում Բեգլարյան անցկացնում է մեկ մրցաշրջան, մասնակցելով առաջնության 28 խաղից 27-ին։ Բեգլարյանն «Ուլիսի» կազմում դառնում է Հայաստանի առաջնության արծաթե մեդալակիր։ 2015/16 մրցաշրջանում Արսենն արդեն Երևանի «Միկայի» դարպասապահն էր, այս թիմի կազմում էլ նա անցկացնում է ընդամենը մեկ մրցաշրջան, «Միկայի» հետ Բեգլարյանը հասնում է գավաթի խաղարկության եզրափակիչ, բայց այս անգամ էլ նրա թիմը պարտություն է կրում «Բանանցից» (ներկայիս «Ուրարտու»)։ 2016/17 մրցաշրջանում Բեգլարյանը պայմանագիր է ստորագրում «Ալաշկերտի» հետ։ Դարպասապահի դիրքում մրցակցությունը բավականին բարդ է լինում, քանի որ այդ ժամանակահատվածում «Ալաշկերտում» էր խաղում նաև Գևորգ Կասպարովը։ «Ալաշկերտի» մարզիչները մեկ վստահում էին Բեգլարյանին, մեկ՝ Կասպարովին։ Այդուհանդերձ Արսենը «Ալաշկերտի» կազմում անցկացնում է երկու մրցաշրջան ու երկու անգամ դառնում Հայաստանի չեմպիոն, մեկ անգամ սուպերգավաթակիր։ 2017/18 մրցաշրջանում նրա թիմը նորից դուրս է գալիս գավաթի խաղարկության եզրափակիչ, բայց այս անգամ էլ գավաթին տիրել չի ստացվում։

2018 թվականի հունիսին Բեգլարյանը խզում է պայմանագիրը «Ալաշկերտի» հետ և տեղափոխվում Լատվիա, պայմանագիր ստորագրելով «Լիեպայա» ակումբի հետ։ Լատվիայի առաջնությունն անցկացվում էր այդ ժամանակ գարուն-աշուն ձևաչափով։ Միանալով լատվիական թիմին մրցաշրջանի երկրորդ հատվածում Բեգլարյանն անցկացնում է 15 խաղ, նաև մասնակցում Եվրոպա լիգայի որակավորման փուլի հանդիպումներին։ Նույն տարվա նոյեմեբերին Արսենը հեռանում է Լատվիայից, տեղափոխվելով Բելառուս։ Դարպասապահը պայմանագիր է ստորագրում Բարձրագույն խմբի առաջնությունը ներկայացնող Մոգիլյովի «Դնյապրոյի» հետ։ Բելառուսական ակումբի կազմում Բեգլարյանը անցկացնում է 9 հանդիպում։ 2020 թվականի փետրվարի 5-ին Արսեն Բեգլարյանը պաշտոնապես դառնում է Երևանի «Ուրարտուի» ֆուտբոլիստ։ Ի պատիվ իր կուռք Քոբի Բրայանտի Բեգլարյանը երևանյան թիմի կազմում ընտրում է 24 համարը, ճիշտ այն համարը, որով խաղում էր լեգենդար բասկետբոլիստը։

«Ուրարտուի» կազմում Արսեն Բեգլարյանը պաշտոնական առաջին հանդիպումն անցկացնում է 2020 թվականի մայիսի 25-ին՝ Հայաստանի բարձրագույն խմբի առաջնության 18-րդ տուրի «Արարատի» հետ խաղում (0-1)։

Արսեն Բեգլարյանը Հայաստանի ազգային հավաքական առաջին անգամ հրավիրվել է 2013 թվականին, նորամուտը նշել է արդեն հաջորդ տարում Ֆրանսիայում կայացած ընկերական խաղում, որտեղ Հայաստանի հավաքականը ընկերական հանդիպում անցկացրեց Լյուքսեմբուրգի ընտրանու հետ (1-1)։ Ազգային հավաքականի կազմում Բեգլարյանը պաշտոնական առաջին հանդիպումն անցկացրել է 2016 թվականի սեպտեմբերի 4-ին՝ աշխարհի առաջնության որակավորման փուլի Դանիայի հետ խաղում (0-1): Այդ հանդիպման ընթացքում Բեգլարյանը հետ է մղել Քրիստիան Էրիկսենի իրացրած 11 մետրանոցը։ Արսեն Բեգլարյանը ազգային հավաքականի դարպասը պաշտպանել է 10-ից ավելի խաղերում։

ԲԵԳԼԱՐՅԱՆԻ ԽԱՂԱՅԻՆ ԿԱՐԻԵՐԱՆ

Մրցաշրջան Ակումբ Խաղ Գոլ
2012/2013 «Գանձասար» 25 -25
2013/2014 «Գանձասար» 24 -29
2014/2015 «Ուլիս» 27 -28
2015/2016 «Միկա» 25 -28
2016/2017 «Ալաշկերտ» 20 -16
2017/2018 «Ալաշկերտ» 16 -17

2018

«Լիեպայա» 15

-9

2019

«Դնյապրո» 9

-13

2019/2020

«Ուրարտու» 4

-3

  ԸՆԴՀԱՆՈՒՐ 165 -167

 

Տիտղոսներ 

Հայաստանի առաջնություն Հաղթող 2x 2016/2017, 2017/2018
Հայաստանի Սուպերգավաթ Հաղթող 1x 2016/2017