Ջոնել Դեսիրեն ծնվել է 1997 թվականի փետրվարի 12-ին, Հայիթիի Արոնդիսման դե Միրբալեի կենտրոնական համայնքում։ Ֆուտբոլում առաջին քայլերն արել է 5 տարեկանից՝  հաճախելով տեղի սպորտային դպրոց։

2011 թվականին Դեսիրեն սկսում է հանես գալ «Միրբալե» ֆուտբոլային ակումբի պատանեկան թիմում։ Հաջորդ տարի ֆուտբոլիստը տեղափոխվում է «Օլե Բրազիլ» ակումբ, որի կազմում նույն մրցաշրջանում դառնում է «Ոսկե խաղակոշիկի» մրցանակակիր։ Այնուհետև նա վերադառնում է հարազատ «Միրբալե» և թիմի հետ 2013-ին հաղթում  Հայիթիի առաջնության Պրեմիեր լիգան։

2016 թվականին Դեսիրեն տեղափոխվում է «Կապուազիի սպորտային ասոցիացիա»։ Թիմի հետ 2016/17 մրցաշրջանում  ֆուտբոլիստը նորից հաղթում է Պրեմիեր լիգան, ինչպես նաև դառնում Չեմպիոնների գավաթի հաղթող։

Հաջորդ մրցաշրջանը Դեսիրեն անցկացնում է «Ռոալ Մոնարքսի» կազմում, որը հանդես է գալիս Ամերիայի ու Կանադայի Միացյալ ֆուտբոլային լիգայում։ Այս թիմի հետ նա դառնում է վերոնշյալ առաջնության չեմպիոն։

2018-ին Դեսիրեն կրկին վերադառնում է «Միրբալե», որտեղից նախ վարձակալությամբ, իսկ հետո վերջնականապես տեղափոխվում է «Լոռի» ֆուտբոլային ակումբ։ Վանաձորյան թիմի կազմում ֆուտբոլիստը հեղինակած 17 գոլով դառնում է 2019/20 մրցաշրջանի լավագույն ռմբարկու։

2020 թվականի ամռանը Դեսիրեն պայմանագիր է ստորագրում «Ուրարտու» ֆուտբոլային ակումբի հետ։

Դեսիրեն հրավիրվել է նաև Հայիթիի Մ-17, Մ-20 և Մ-23 տարեկանների հավաքական, ինչպես նաև համարվում է Հայիթիի ազգային հավաքականի ֆուտբոլիստ, որի կազմում իր նորամուտը նշել է 2017-ին՝ Չինաստանի հավաքականի հետ խաղում։

ԴԵՍԻՐԵԻ ՖՈՒՏԲՈԼԱՅԻՆ ԿԱՐԻԵՐԱՆ

ՏԻՏՂՈՍՆԵՐ