Օլեգ Պոլյակովը ծնվել է 1990 թվականի նոյեմբերի 29-ին Ռուսաստանի Կամիշին քաղաքում։ 6 տարեկանից սկսել է զբաղվել ֆուտբոլով։ Առաջին քայլերը կատարել է Կամիշին քաղաքի օլիմպիական ռեզերվի մանկապատանեկան դպրոցում։ 17 տարեկանում հրավիրվել է Կամիշին քաղաքի «Տեքստիլշիկ» ֆուտբոլային ակումբ, որն այդ ժամանակ հանդես էր գալիս սիրողական առաջնությունում։

Մեկ տարի անց Պոլյակովը տեղափոխվում է Վոլժսկի «Էներգիա», որի կազմում անցկացնելով 30 հանդիպում, դառնում է 6 գոլի հեղինակ։ Պոլյակովը 2011/12 թթ․ մրցաշրջանի առաջին հատվածն անցկացնում է Սարատովի «Սոկոլում», իսկ երկրորդ հատվածն արդեն Բրյանսկի «Դինամոյում»։ Հենց այդ թիմի կազմում էլ նշում է իր նորամուտը Ռուսաստանի Ֆուտոլի ազգային լիգայում։ 2012/13 մրցաշրջանում նա արդեն «Տյումենի» ֆուտբոլիստն էր, որտեղից էլ վարձակալական հիմունքներով տեղափոխվում է Մոսկվայի «Տորպեդո»։ Հետագայում հանդես է գալիս նաև Իժեվսկի «Զենիթում», ԿԱՄԱԶ-ում։

2017/18 մրցաշրջանում տեղափոխվում է «Արմավիր»։ Այդ ակումբի կազմում անցկացրած առաջին տարին առայժմ ամենաարդյունավետն է Պոլյակովի համար։ Նա դառնում է 8 գոլի հեղինակ, իսկ թիմը նորից Ռուսաստանի Ֆուտբոլի ազգային լիգայի ուղեգիր է վաստակում։ 2018/19, 2019/20 մրցաշրջանները Պոլյակովն անցկացնում է «Արմավիրի» կազմում։

2020 թվականին Հայաստանում կայացած ուսումնամարզական հավաքի ընթացքում «Արմավիրը» ստուգողական հանդիպում է անցկացնում «Ուրարտուի» հետ։ Պոլյակովը դառնում է այդ խաղում խփված միակ գոլի հեղինակը։

2020 թվականի հուլիսին Օլեգ Պոլյակովը պայմանագիր է ստորագրում «Ուրարտու» ֆուտբոլային ակումբի հետ։

ՊՈԼՅԱԿՈՎԻ ԽԱՂԱՅԻՆ ԿԱՐԻԵՐԱՆ