ՀՐԱՎԵՐ ՀԱՅԱՍՏԱՆԻ ԿԱՆԱՆՑ ԱԶԳԱՅԻՆ ՀԱՎԱՔԱԿԱՆ

Հուլիսի 7-ից 17-ը ՀՖՖ Տեխնիկական կենտրոն/ֆուտբոլի ակադեմիայում տեղի կունենա ՈւԵՖԱ կանանց Եվրոպայի 2025 թվականի առաջնության որակավորման փուլի երկու հանդիպումներին ընդառաջ մարզական հավաք։

Այդ առիթով հավաքական է հրավիրվել նաև «Ուրարտու-աղջիկներ» թիմի 3 ֆուտբոլիստուհիներ՝ պաշտպան Հասմիկ Գրիգորյանը, կիսապաշտպան Լուսինե Կոստանյանը և հարձակվող Միլենա Սայադյանը։

Առաջին հանդիպումը կանանց Հայաստանի ազգային հավաքականը կանցկացնի հուլիսի 12-ին Երևանում՝ Վազգեն Սարգսյանի անվան «Հանրապետական» մարզադաշտում մրցելով Բուլղարիայի ընտրանու դեմ: Կանանց ազգային հավաքականն ընտրական փուլի վերջին հանդիպումը կանցկացնի Ռումինիայի հետ:  Հանդիպումը տեղի կունենա Բուխարեստի «Արկուլ դե Տրիումֆ» մարզադաշտում հուլիսի 16-ին։ 

Հաջողություն ենք մաղթում մեր աղջիկներին հավաքականում։