«ՈՒՐԱՐՏՈՒԻ» 4 ՖՈՒՏԲՈԼԻՍՏ ՀՐԱՎԻՐՎԵԼ է ՀԱՅԱՍՏԱՆԻ Մ-21 ՏԱՐԵԿԱՆՆԵՐԻ ՀԱՎԱՔԱԿԱՆ
01/10/2021Հոկտեմբերի 4-ից 12-ը Հայաստանի մինչև 21 տարեկանների հավաքականը ՀՖՖ Տեխնիկական կենտրոն-ակադեմիայում ուսումնամարզական հավաք կանցկացնի։
Երիտասարդական հավաքականի գլխավոր մարզիչ Ռաֆայել Նազարյանը հավաքական է հրավիրել նաև «Ուրարտուի» ֆուտբոլիստներ Նարեկ Գրիգորյանին, Նարեկ Աղասարյանին, Սերգեյ Մկրտչյանին և Էրիկ Սիմոնյանին։
Հավելենք, որ հավաքի ընթացքում մեր ընտրանին Երևանում կանցկացնի 2023 թ․ Եվրոպայի առաջնության ընտրական փուլի հերթական հանդիպումները։ Հոկտեմբերի 7-ին թիմը կհանդիպի Սերբիայի, իսկ հոկտեմբերի 12-ին՝ Հյուսիսային Մակեդոնիայի Մ-21 տարեկանների հավաքականների հետ։
Հաջողություն ենք մաղթում մեր ֆուտբոլիստներին։