ՕԼԵԳ ՊՈԼՅԱԿՈՎԸ՝ «ՈՒՐԱՐՏՈՒԻ» ՊԱՏՄՈՒԹՅԱՆ ԱՄԵՆԱՓՈՐՁԱՌՈՒ ԱՅԼԱԶԳԻ ՖՈՒՏԲՈԼԻՍՏ
31/08/2023Օլեգ Պոլյակովը «Շիրակի» հետ մրցավեճում IDBank Հայաստանի Պրեմիեր լիգայում «Ուրարտուի» կազմում 85-րդ խաղն անցկացրեց ու դարձավ թիմի պատմության մեջ ամենաշատ հանդիպումների մասնակցած այլազգի ֆուտբոլիստը: 32-ամյա Պոլյակովը գերազանցեց Ուգոչուկվու Իվուի ռեկորդային ցուցանիշը, որը Հայաստանի առաջնություններում մեր թիմի կազմում 84 խաղ էր անցկացրել:
Հիշեցնենք, որ Կազանի «Ռուբին» տեղափոխված Ուգոչուկվու Իվուն «Ուրարտուի» ռեկորդակիր էր դարձել այս տարվա մայիսի 2-ին Չարենցավանում «Վանի» հետ կայացած մրցավեճում՝ 80-րդ անգամ խաղադաշտ դուրս գալով հարազատ ակումբի մարզաշապիկով: Նիգերիացի կիսապաշտպանը գերազանցել էր «Ուրարտուի» նախկին ֆուտբոլիստ, ուգանդացի Նոա Կասուլեի ռեկորդային ցուցանիշը, որը Հայաստանի առաջնություններում 2007-2010 թթ. թիմի կազմում 79 խաղ էր անցկացրել:
Օլեգ Պոլյակովը 4-րդ մրցաշրջանն է ելույթ ունենում «Ուրարտուի» կազմում՝ հանդիսանալով թիմի առանցքային ֆուտբոլիստներից մեկը: Ռուս ֆուտբոլիստն «Ուրարտուի» կազմում նորամուտը նշել է 2020թ. օգոստոսի 23-ին «Փյունիկի» հետ կայացած առաջնության մեկնարկային խաղում:
Ֆուտբոլիստ | Երկիր | Խաղ |
---|---|---|
Օլեգ Պոլյակով | Ռուսաստան | 85 |
Ուգոչուկվու Իվու | Նիգերիա | 84 |
Նոա Կասուլե | Ուգանդա | 79 |
Նանա Անտվի | Գանա | 61 |
Անդրեյ Չերևկո | Ուկրաինա | 58 |
Անդրեյ Բուրդիյան | Ուկրաինա | 57 |
Էդվարդ Կպոդո | Գանա | 56 |
Վլատկո Դրոբարով | Մակեդոնիա | 52 |
Վադիմ Պարամոնով | Ուկրաինա | 49 |
Նենադ Ռադաջա | Սերբիա | 47 |