ՊԱՇՏՈՆԱԿԱՆ ՀԱՅՏԱՐԱՐՈՒԹՅՈՒՆ․ ՈՒԳՈՉՈՒԿՎՈՒ ԻՎՈՒ
16/07/2023«Ուրարտուի» նիգերացի կիսապաշտպան Ուգոչուկվու Իվուն հեռացավ թիմից։ Ակումբը համաձայնեցրել է Իվուի տեղափոխությունը Ռուսաստանի Պրեմիեր լիգան ներկայացնող Կազանի «Ռուբինի» կազմում։
23-ամյա ֆուտբոլիստը «Ուրարտուում» էր 2020 թվականի օգոստոսից։ Նա մեր թիմի կազմում 3 մրցաշրջան անցկացրեց՝ մասնակցելով 97 պաշտոնական հանդիպման և խփելով 8 գոլ, իսկ 2022/23 մրցաշրջանում թիմի հետ դարձավ Հայաստանի չեմպիոն ու գավաթակիր։
Նիգերացի կիսապաշտպանն այս տարի հրավիրվեց նաև Հայաստանի ազգային հավաքական ու այնտեղ իր նորամուտը նշեց ՈւԵՖԱ-ի ԵՎՐՈ 2024-ի ընտրական փուլի՝ Թուրքիայի դեմ խաղում։
Շնորհակալություն ենք հայտնում Իվուին ունեցած ելույթների ու նվիրված աշխատանքի համար և մաղթում հաջողություն հետագա կարիերայում։
